tg-me.com/ahmed_alziwar17/12620
Last Update:
#قصائد_شهادة_امير_المؤمنين_ع
#مؤسسة_منبريات_للخطابة_النسائية
🏴تهدمت والله اركان الهدى 🏴
——————————
[٢٩/٣ ٨:٢٩ م] +964 770 905 0495 : طلب الحاجه توسل با امیر المومنین علی علیها السلام
الیوم کلنا نادبین...یا أمیر المؤمنین
لا تردنه خائبین ٢
➖➖➖
یا ابو الحسنين اجیتك عندي الف شکوه وعتاب
اتوسلك بالمات ظامي حسين یا سید الشباب
عندي حاجه اگضیها إليه یا علي داحي الباب
ِاِلوکت کلش نَحلاني شِفت شوغات وعذاب
الیوم اطلب حاجتي
تگضي اليه طلبتي
یاامیر المؤمنين...یا امیرالمؤمنین
الیوم کلنا نادبین...یا أمیر المؤمنین
✍🏻....یسرا الموسوی
➖➖➖
دخيل يامولاي اندبك والگلب ينزف دمه
اعليك امشي اليوم فاطم وبظلعها إمألمه
غيركم ماكو وسيله وانت حماي الحمه
اجيتك ومالومه روحي من المصايب هايمه
انته أدره بحالتي
عذبتني دنيتي
يامير المؤمنين .. يامير المؤمنين
الیوم کلنا نادبین...یا أمیر المؤمنین
✍️... ام عــــــراق الشمرية بغداد
➖➖➖
جیتك و مشجور گلبي دخيل ياحامي الجار
ياعلي بجاه الخدامه لا تخليني بمرار
عليك بالحرگوا خيمها وسلبوا منها الخمار
تمسكت اني بأملكم حاشه أظل بويه محتار
وانت تعلم شكوتي
اجيتك اني بنخوتي
يا أمير المؤمنين.. يا أمير المؤمنين
الیوم کلنا نادبین...یا أمیر المؤمنین
✍🏻...ام علي الرضا الخرسان
➖➖➖
اجيت يم بابك اصيحن ياعلي وتجري العين
حاجه عندي إگضيها إليه بجاه سید المرسیلن
توسلت بالله ورسوله والزچیه ام الحسین
مرض وافراگ واذيه والهظم زاد وأنين
جیت تجري دمعتي
احفظ إليه عيلتي
يا امير المؤمنين....يا امير المؤمنين
الیوم کلنا نادبین...یا أمیر المؤمنین
✍🏻...ام حيدر العباديه عماره
➖➖➖
عندي هم بس الله يدري والگلب صاير وصل
إمكوم اعله الروح همي اوثگله أحس ثگل الجبل
وأنه ادري باليندبك واليدگ بابك وصل
مايظل محتار يمك واسمك ايشافي العلل
كلفيتك شدتي
تجلي همي اوكربتي
يا أمير المؤمنين. ،، يا أمير المؤمنين
الیوم کلنا نادبین...یا أمیر المؤمنین
✍️...ام محمد تقي الموسوي
➖➖➖
ها يبو زينب نخيتك لاترد چفي خلي
طايحه بشده وأريدك ياعلي توگف الي
وانه اعرفك ماتردني وبيك كل هم ينجلي
وكلشي يتسهل عليه من اندبك ياعلي
مااظل بحيرتي
توگف انت بمحنتي
ياامير المؤمنين،،،،، ياامير المؤمنين
الیوم کلنا نادبین...یا أمیر المؤمنین
✍️ ....عاشقة العباس ام عراق الشمري البصره
➖➖➖
🌷🌷🌷🌷🌷🌷🌷🌷🌷
الناشر // عالي مقامي
غير مبري الذمه يحذف اسم الناشر🙏🏻
[٢٩/٣ ٨:٣٩ م] +964 770 905 0495 : قصيدة بحق الامام علي (ع)
دگو بابنه والباب مقفول
يردوك اليتامه بويه شتگول
اطلع لليتامه
گوم امسح الهامه
يردوك اليتامه بويه شتگول
1
ازغار يابويه اليتامه ومايعرفون
جرح البراسك غميج ومايفهمون
كلهم ايصيحون ابونه يعوفنه شلون
اطلعت اسكتهم يبويه ومايسكتون
جابولك لبن يابويه كلهم
اباب الدار بس انته املهم
انطيهم علامه
گوم امسح الهامه
يردوك اليتامه بويه شتگول
2
اطلعت اطمنهم ومحتاره بدمعتين
دمعه عالمطروح ابويه وعالمساكين
واليتامه ابفرد صوت ودمعه بالعين
هاي اول مره يتأخر ابو حسين
ايريد ايشوفنه زينب اسأليه
لبن ويانه جبنه وحتى نسگيه
يدعون بسلامه
گوم امسح الهامه
يردوك اليتامه بويه شتگول
3
رجعت وسألت ابوها بدمع همال
بويه ميصبرون ذوله كلهم اطفال
گلها ما ارضه يشوفوني اعله هالحال
خاف يتأذون گلها والدمع سال
بدموع المصيبه صبر الروح
خي يدخلون بويه واني مطروح
تسمع كل كلامه
گوم امسح الهامه
يردوك اليتامه بويه شتگول
4
دخلو الأيتام يم حيدر يشوفوه
ازغار همه وابد ماگدرو يگعدوه
احتارو شلون اللبن همه يشربوه
للبن ذبوه وگعدو بس يشموه
وحيدر من فرحته نسه الالام
مافكر بحرحه بس بالايتام
يسعدهم مرامه
گوم امسح الهامه
يردوك اليتامه بويه شتگول
5
حضر ملچ الموت لحظات المنيه
والايتام اتنادي بدموع الرزيه
بويه لا تتركنه ياحامي الحميه
انموت كون وياك كل احنه سويه
غمض عينه حيدر سلم امره
وداعاً كلها صاحت يبو الفقره
ضل جرحه وسامه
گوم امسح الهامه
يردوك اليتامه بويه شتگول
شاعر اهل البيت (ع)
رياض الرسل الجابري
🌷🌷🌷🌷🌷🌷🌷🌷
الناشر // عالي مقامي
غير مبري الذمه يحذف اسم الناشر
مؤسسة منبريات للقصائد النسائيه
https://www.tg-me.com/ye/8 مؤسسة منبريون للنساء🧿/com.ahmed_alziwar17
كروب 2 👇خاص بنشر وتلحين القصائد
https://www.tg-me.com/+tVGiZHdfNq81ZGYy
BY 8.مؤسسة منبريون للنساء🧿
Share with your friend now:
tg-me.com/ahmed_alziwar17/12620